1.   Da nuddu si dipenni a kista vita

Lu sapiri la scientia a kki usu a crirenza

Sunnu tutti dintra la brccami

Killi pedi ki cunduciunu a porta di tempiu

Undi èsti òbbligu jittàrisi ‘nginucchiuni

Bussari ccu sarvaggia vuluntati

Ppi jintràri a killu mundu

Undi nun si parra.

 

  2.  Lu kki nunn’èsti kistu ki percia l’occhi

Né kiddu ki quarìa manu

Trasi naski spurtusa arikki

O puramenti ki si presta a lu pistìu

Porta èsti ki si apri a parti ‘i dintra

Arrassu killa vàvira

De lu strallùciri cangianti di cosi

Scinni ‘ntra notti di grutti

Undi spirda kiarura si trova kkiù sula

‘nfacci a la so facci.

 

  3.   Si bbeni scindisti ora akkiana

Svulazza a lu kkiù jàvutu di li celi

‘nsigniti et cuntempla senza virtìxini

k’è senza fini kiddu k’è fora di tia.

Spinci a lu supèrkiu la larghizza di kiddu ki viri

Sfuj sempri la ristrittizza di kiddu ki pinsasti

 

  4.   Pensa all’azioni! Lassa li punti ‘stremi.

Diventa spluraturi di kiddu turrinu

Undi si scontranu li cuntrarii

Piglia pusessu di tia stissu

Afferra lu scettru ki cumanda a la tò pirsuna.

Pirkì tu havi a èssiri lu ‘Mpiraturi.

Mòviti! Pènsici! Lassa lu stravaganti superkiu

E puru lu pulitu mancanti,

scammìna lu turrinu undi si scontranu

lu ventu e la sumagghia

la petra e l’acqua

lu focu e lu frummentu.

Pigghia pusessu di terra franca finalmenti

Afferra lu scettru ki ti cumanda:

tu sì lu tò stissu ‘mpiraturi.

 

  5.   Gràpiti la menti. Prattikìa.

Ascùta a kill’àutri ki ti pàrranu

Ma ascuta magnu a kistu ki ti parla jintra ‘nti tìa.

Pènsici. Si voi capìri.

Fràbbica ppi ttìa tutta la scientia

E ‘mprena lu tò còri

ccu killu diu ki ti cumanda.

 

  6.   Lìbbiru sì. Dicidi la tò sorti!

Ti senti bastanti lu curaggiu

Ppi ‘na lotta aspra e sarvaggia

O lu sforzu ti fa paura?

Kistu è lu cavaleri 

E kidda èsti la vita facili

Di lu pòviru murtali.

Ha’ vogghia ki lu sai!

Nudda cosa s’havi senza suduri

Si tu vòi èssiri forti

Accetta kistu suffrimentu:

 Fujiendu illu ti porta a dibbulizza.

      

Di kkiù a menu va lu ddebbuli

Mentri tu sì patroni di jiri versu lu Nenti.

 

  7.   Camina a jiri undi dicisti d’èssiri lìbbiru,

strafaccia ccu’ cori fermu

killi provi ki t’aspettanu

Mustra ki ti sai cuvirnari

E lu mundu s’attacca a ttia

ccu prùvuli et umbra

ccu celu et làu.

 

Forzi fàusi s’attaccanu a la tò pirsuna

Tu sì lu sensali, tu sì lu pacèri

Tu sì ki cuverni:

làssiti purtari a killa via

a killu triunfu ki si grapi avanti a ttia.

 

  8.   Nun disiddiràri nenti ‘nfora di lu giustu

Pirkì lu tò camìnu si kiùmpi secundu liggi,

campa no ppi campari ma ppi purtari a termini

lu scopu di la tò vita. Accussì sulamenti

Pòi pratticari lu veru campari

E sarai patruni di la tò vita,

dda undi tuttu si cumpensa ccu riguri.

Falla pisari jintra ‘nti tia

Kidda vilanza di justitia

E nta lu stissu tempu duni stabilitati

A lu tò kulibriu

 

 9.  Rakkiuriti jintra li tò limiti.

Cuncentra li tò faurtà

divintati kkiù prufunni

‘nta lu silentiu di lu stari sulu ‘nta l’isula.

 

10. Afferra jintra ‘nti tia la luci

Ca t’illumina la tò trazzera

Pirkì kidd’èsti lu caminu ki fariti ti tocca.

La tò saggizza havi a èssiri illuminata

da lu travagghiu ki t’aspetta.

Avanza sirenu ma ccu òkkiu vivu,

ppi nun duviri mai fari passi arreri.

 

                                                                                    

​