CURRI DÀIMONU

​

​

​

​

​

​

​

​

​

​

Jù curru!

Pirkì curru?

Kki cosa mi spingi a cùrriri?

 

Vegnu di tantu Caminu.

E ora curru.

 

Curru supra l’asciuttu.

Curru supra lu vagnatu.

 

‘Ntò fangu mmenzu a negghi.

Ma curru.

Ju curru.

 

Cù mi fa di guida?

Lu mè Dàimonu.

‘Sta Forza Arcana figghia di Misteru

ki mi spingi a Fari.

A cùrriri sempri.

 

Unu Fari Sacrali

Ki sta a li surgivi di ogni spinta giniranti,

c’aggisci in assoluta Cuntinuità,

tra kiddu ki viru e kiddu ki nun viru,

tra kiddu ki toccu e kiddu ki nun toccu

tra kiddu c’assaggiu e kiddu ca nun mangiu,

tra kiddu c’ascutu e kiddu ki nun sentu.

 

‘Ntra Jintra e Fora.

 

‘Ntra la sacra Misculanza

di Spiritu e Materia.

 

E curru sempri d’Allura,

di Tànnu passannu ppi Ora.

‘Nfinu a lu Poi di lu Tempu di Sempri.

 

‘Na Ciumara inarrestàbbili.

 

Ki Nui kiamamu… Tradizzioni!