E trasi cavaleri.

Spaja cavaddu spuni armi armiggi

assetta chista petra

cuntami sceni toi

ricunta tuo caminu.

 

Grapi occhi in chistu scuru.

​

Fammi addattari latti nigru

minni toi misiricurdiusi.

 

Posa chilla spada

stujati sangu

lurdu lucenti

bucca sirrata

sicca scumazza

sgrava pinseri

timpala

cala brazza retini

allenta pitturali

cinghi leva

manu lava

peri appoja

'nterra

assetta chista petra.

E parra.

  

Resti cumfusu

nè paroli cuntanu gesta

li pinseri.

 

Occhi calati crozzi rrusicati

cani scioti  strania.

A ttia.

Fundi pinseri

Chiaruri.

 

Parra ccu mmia.

 

Lassa abbai cani

veni a la funtana

e bivi.

 

Jisa chissi dui nigri purtusa

occhi senza peddi

mirudda.

 

Cumfida.