'na janca palumma

ccu' l'ali di ciamma

vulàu a  la cerca

di la terra ferma

 

quannu 'ntutt'una

visti na' funtana

ccu' dda' jintra

annijata la luna

 

vulàu ccu' l'ali aperti

tuffannisi a virrina

comu nigghiu ca si tumma

di lu munti a la chiana

 

pricciàu l'acqua

'mmiscàu 'nta 'ntimpuni

ca mutu taliava

senza sangu 'nta li vini

 

la luna addivintàu

russu tizzuni

la palumma si vistìu

di janchi catìni

 

la luna addivintàu

russu tizzuni

la palumma si vistìu

di janchi catìni

 

palumma janca

palumma a primu volu

ca cerchi la to' luna

ppi to' cunsolu

 

grapi li to' ali

vola dintra lu to' cori

quarijti a lu suli

prima ca squagghia e mori

 

quarijti a lu suli

prima ca squagghia e...

mori