Stanotti mi sunnaiju ch’era ccù nuddu

E nuddu si sunnau ch’era ccù mia

Mi vaju ppi vutari e visti a nuddu

Nuddu si vutàu e visti a mmia

 

E ju parraju d’amuri ccù nuddu

E nuddu parrau d’amuri ccù mmia

E ora comu fazzu senza 'i nuddu

E nuddu comu fa senza di mia

 

Stanotti mi sunnaiju ch’erumu morti

 e di nui si facia la tumia

Mérici fóru valurusi e forti

Cci fu lu mastru di la chirurgia

 

Purtaru gran strumenti e ferri forti

Spaccáru li petti a ttiía e a mmía

Ristáru stupefatti menzi morti

Dú cori a ttía attruvàru e nenti a mmía