E m'u sai diri cchi è st'amaru

ca a tutti teni 'nta lu scuru

vulissi'nluci picuraru

e 'ncamminu menu duru

 

Ma luci ju nun viru nè lanterni

supra sta' terra arsa di lu suli

lazzariati su' li nostri carni

e lu tempu nni cunnuci comu vistiùli

 

E m'u sai diri cchi è stu' duci

ca a tutti teni 'nta sta' terra senza paci

lu suli n'accuttura e metti 'ncruci

mentri l'odiu ccu' l'amuri si la spaci

 

E m'u sai diri cchiè st'amaru

e m'u sai diri cchi è stu' duci

e m'u sai diri cchi è stu' scuru

e m'u sai diri cchi è sta' luci

​

Propria chissa frati miu è la to' cruci

Tutta chissa frati miu è la to' cruci!