Minuzzagghi e schigghi

‘ntra ’nmunnu di varagghi

a migghiara su li negghi

e longhi li ‘mpurugghi

 

Ma li porti si graperu

Lu ‘nfernu si stutò

‘ntra minuzzagghi e schigghi

 ju sugnu ccà

 

Sbalancaru l’occhi

nichi ‘ranni e vecchi

e sutta li fogghi sicchi

l’erva  tennira spuntò

 

Li negghi si squagghiaru

lu suli già spuntò

‘ntra minuzzagghi e schigghi

tu si ccà

 

Squagghia petra dura

fallu prima ca scura

li tò robbi stenni fora

ch’è arrivata l’ura

  

Ma li porti si graperu

lu ‘nfernu si stutò

‘ntra minuzzagghi e schigghi

tu si ccà

 

Nesci di ‘ssi grutti

nasci a nova vita

làssila ‘ssà notti

ca ‘nsi taddarita

 

La morti e li so veli

Lu ventu si li vulò

‘ntra minuzzagghi e schigghi

nui semu ccà

 

La morti e li so veli

Lu ventu si li vulò

Vola sparma l’ali

Ca ’nsù   di cira no

 

Vola sparma l’ali

ca ‘nsù di cira no