MAJARU

C’è pirmissu?...’ZZu Turi

Jù sugnu! ‘U prufissuri!...

‘Zzu Turi! ‘Zzu Turi Amicu!

Dicitimmìllu kki successi ‘jintra ‘ddu’ vicu!

Visti la vostra casa ccu la vucca sirrata

e l’okki ‘nnurbati comu a li vostri

bon’arma ca ora mi sintiti.

Kki stranu sèntiri m’akkiana ‘nt’a li vini.

E poi all’intrasatta visti

‘razia di luci

tuttu lu scantu ki vi circunnava;

visti lu tirruri ‘nta la facci di cu’ vi stava a latu;

visti la paura ‘nta lu salutari rispittusu

di la gintuzza tutta ca vi furriava tunnu tunnu

e ki vineva ‘nti vui sulu a cosi fatti,

sulu quannu ‘ncugnati ccu’ li spaddi a lu muru,

cunvinti ki nun c’era kkiù nenti kki fari,

allura, sulu allura,

la menti divina si ‘rapi a lu pinsari maggicu,

ki nasci ed esti cultivatu ‘nta lu tirrenu di lu tirruri.

Lu tirruri esti ca prattica lu pinsari maggicu.

Ddà bbanna loggica di ‘sti terri a lu mankignu.

a lu tramuntu.

A lu cuddari di lu suli.

Ddà bbanna munnu.