Era a lu scurari

l'urtimi ririneddi

currennu tra li stiddi

turnavunu a li niri

 

Era una di ddi' siri

ca lu ciatu squagghia

e tempu nenti è negghia

'ntra vadduna e mulatteri

 

'Ntra nu viri e sviri

'nvecchiu stancu m'appari

si metti a parrari

e ju staju a sintiri

 

"Fermiti a 'scutari

nun ti scantari

tutti cosi lassa jiri

li capiddi 'nt'arrizzari

 

Lu nasciri è partenza

la sorti è stari senza

la vita pinitenza

la morti mancanza"

 

Mancu 'u tempu di parrari

'ddu vecchiu scumpari

e ju restu a cuntari

li mè pinseri.