E tu munnu ca furrìi supra di tutti

dimmi qual'è lu nnomu di la morti

 

vilanza e spata li pisi e li musuri

aricchi vucca nasu manu occhi peri

    

l'acqua e la quartara aria e longhi ali

la notti luna la turri di Babbeli

 

E meti signura meti addinucchiuni

ancili aceddi e jenchi fimmini e liuni

 

longa varba cruna scettru lu putiri

la cinnera lignu robbi lu manciari

    

rospu paparina cappeddu e vastuni

menzaluna gigghiu stemma libbru e cani

 

si lamenta cu' è appinnutu e a vuci forti

e tu munnu cerca nnoma ppi la morti